س،ج،پیشه وری‌نین چیخیشیندان بیر پارچا
اگر قهرمان مشروطه‌چی‌لریمیز بو مسئله‌یه دقت ائده‌رک، یانلیشلیغا یول وئرمه سه یدی‌لر، چوخ گمان کی، ایندی آذربایجان و ایران دونیانین ان قاباقجیل، آزاد، دئموکراتیک اؤلکه‌لریندن بیری اولا بیلردی. نتیجه‌ده بوگونکو بدبخت‌لیک‌دن، فلاکتدن، هابئله آجلیقدان اثر-علامت قالمازدی.
بیزیم ان مهم ایستک و آرزولاریمیزدان بیری، خالقین کوتله وی ساوادلانماسی‌دیر. ساوادلی و ساغلام بیر خالق ظلمون قارشیسیندا باش اگمز. گنجلریمیزی گرک بو احوال-روحیه ایله تربیه ائدک. شرف و حیثیت صاحبی اولماق ایستییرسنسه، خالقا خیدمت ائتمه‌لیسن. هر کس بونو بیلمه‌لی و بو شرفلی ایشین مزه‌سینی دادما‌لیدیر. بیز تاریخ باره‌ده چوخ دانیشا بیلریک. کئچمیشیمیزله فخر ائده بیلریک، چونکی تاریخیمیز قهرمانلیق سالنامه‌سیدیر. آنجاق بو کفایت ائتمز. شرف و حیثیتی اؤز علیمیزله قازانمالییق. سعدی شیرازینین بو حیکمت‌لی سؤزو بیزیم اوچون عبرت درسی اولما‌لیدیر:
” آتا‌دان میراث ایسته ییرسنسه، علم اؤیرنمه‌لیسن،
چونکی آتا میراثینی اون گونده خرجله‌ییب قورتارا‌جاقسان.”
بیز تکجه آتا‌لاریمیزین زحمتله چالیشیب قازاندیقلاری سرمایه نی خرجله مه مه لی یک. اونا گؤره کی، بیر گون او دا قورتارا بیلر. بونون عوضینه اونلارین شرفله چالیشدیق‌لاریندان اؤزوموز اوچون نتیجه چیخارما‌لی و اونلارین یوللارینی داوام ائتدیرمه¬لی¬ییک. اونلار کیمی بیز ده فخارت و شرفه نایل اولمالی¬ییق….