فریدون ابراهیمییه
«گله جک گون» رومانینین قهره مانی
فریدون ابراهیمینین اعدامیندان ۷۰ ایل کچیر
تبریز، گولوستان باغی،
فریدونون سون گونو.
او، قاچمادی وطنیندن
او، سئچمدی سورگونو….
گولشه نین اورتاسیندا
دار آغاجینی سئچدی.
آزادلیغا ایناندی،
آزادلیغا آند ایچدی!
اؤلوموندن قورخماییر،
روحو، عشقی گؤ‌ده دیر.
او، حیاتا کئچمه ین
قانونلارچون گؤیندی.
کندلری بیر- بیر گز‌ن
خلقه ساواد اؤیر‌دن.
اوشاقلار ایله بعضآ.
قبیر اوسته گؤروشم…
درسلری قبیر اوسته
یازیب، پوزان معلم.
درمان تک نوسخه- نوسخه.
خلقین دردینه حاکم،
فریدون ابراهیمی.
کؤینیی قیزیل گولدو،
آزادلیغا آچیلان.
سانکی، فریدون دئییل
خلقین آزادلیغیدی
ایندی داردان آسیلان.
تبریز خیابانلاری
دئیین چاتدیمی سونا.
اوخشادیغی بو گوللر،
الین اوزادیر اونا….
– بیزیم قلبیمیزده سن،
هئچ یئره گتمییرسن.
– سن یئنه گله‌جک‌سن،
اؤلمه میشدن، اؤلمدین…
هله گولومسه ییرسن!
ازدحام دالغالانیر،
— قیراق بو کندیرلری!
قلبینده آپارماسین،
قوی گله جک گونلری!
— قیرغینا یول وئرمه یین،
ساکیتلشین دئییر او
یومروقلا عدالتین،
قاپیسینی دؤیور او.
– بیز تزه دن گلجه ییک،
خلق! آزادلیق آلاجاق.
بو وطنیم، بو خلقیم،
آزادلیغا قالاجاق!
ظلمه نه دؤز، نه اییل،
وطن شاهلارین دئییل
شاهلار ابدی دئییل
بو اصول، بو اداره
بیلین ابدی دئییل!…
***
تبریز گولوستان باغی
بیر ایگیدین سون گونو.
او، قاچمادی وطندن،
او، سئچمه دی سورگونو…
او، سئچدی دار آغاجین،
آزادلیغا آپارسین.
روحو بیر گؤی گؤیرچین،
اونو یئردن قوپارسین.
ایسته‌دی اوزاق دوشسون،
یئرین، ظلمون گؤزون‌دن.
شفقلر سوزولوردو…
فیرودینین اوزون‌دن.
۲۱- آذرین
عدالت قانونلاری.
یازیلیردی الی ایله.
او اؤلمه یه گتمیردی
گلجه یه گدیردی
عظم ایله، هونر ایله
باکی حؤکمه لی
۱۶.۰۲.۲۰۱7