ایرانلی مهاجرلر ادبی بیرلیینین صدری
دده قورقود بین الخلق موکافاتی لاورئاتی
بیزه آنادان یاخین دایه لازیم دئییلدیر.
س.ج. پیشه وری
سنی تک بیر آنا دئییل،
سنی خلقین ئوزو دوغوب.
سنین فکرین اقیدن‌سه
بیزی دوغوب.
«یاددان بیزه آنا اولماز»،
«دایه‌ل رین» یوخدور یئری.
اؤز یوردونا آنا دئدین،
اؤز خلقینا آنا دئدین،
سید جعفر پیشه وری!
ظلمت قورخوب چک‌دی کؤچون،
گونشدن نور داشیدین سن.
یاشامادین اؤزون اوچون،
خلقین اوچون یاشادین سن.
آزادلیغا چاغیراردین
آزادلیغا هر ملتی.
زامان اؤزو وئردی سنه
بو قورورو، بو هونری،
سید جعفر پیشه وری.
هر جمله نی، هر یازینی
دؤنه- دؤنه اؤیره نیریک.
سن توتدوغون یول- یولوموز،
سنینله بیر یول گئدیریک.
دوشم‌نلرین ییغین- ییغین،
یارپاقلار تک خزان اولدو.
سنین زیروه ن اوجالیغین
«۲۱- ی آذر» اولدو.
آپاریریق گله جه یه
قلبیمیزده بو سحری،
سید جعفر پیشوری!