آذربایجان دئموکرات فیرقه‌سی مرکزی کمیته‌سی‌نین تبریکی
عزیز وطنداشلار!
نووروز شنلیگی یاز فصلی‌نین باشلانغیجی اولا‌راق ایراندا یاشایان خالقلارین بیرلیک، همرأی‌لیک و هابئله مشترک مدنیت تاریخی‌نین رمزی ساییلیر. آذربایجان دئموکرات فیرقه‌سی‌نین مرکزی کمیته‌سی بو میللی بایرام مناسیبتیله هامینیزی تبریک ائدیر.
ایراندا یاشایان خالقلار مین ایللر اؤنجه‌دن بیرلیک و همرأی‌لیک سیموولو اولا‌راق نوروز مراسیمینی خصوصی قئید ائتمکله بو بایرامی عزیز توتورلار.
آتا-بابا‌لاریمیزین ایناملارینا اساساً نوروز طبیعتین اویانیشی، حیاتین یئنی‌لشمه‌سی، ایش و فعالیتین باشلانغیجی، دوغوش و چیچکلنمک دئمکدیر. نوروز دونموش و سؤنوک فصلین سونو، یئنی‌لنمه و چیچکلنمه دؤورون باشلانغیجی‌نین موژده‌سینی وئرن گون دئمکدیر. نوروز پیس‌لیک و چیرکین‌لییه قارشی مبارزه گونودور.
بو اینام اساساً بوتون تاریخ بویو نوروز مراسیمی گوجلو بیرلیک و همرأی‌لیک یارا‌دان بیر قوه‌دیر. بو اینام و داورانیشلارا اساساً اینسانلار آراسیندا بو گون صلح، محبت یارا‌دان و اومیدوئریجی گون ساییلیر. نوروز سئوینج و شنلییه قارشی اولان شیطانلارلا کسکین مبارزه آپارماغی اینسان‌لارا وعد ائدیر. نوروز دوداقلاردا گولوشون چیچکلنمه‌سی و وطنداشلارین خوشبخت اولماسی گونودور.
بو مقدس و میللی نوروز بایرامی تاریخیمیزین تلاتوملو انیش-یوخوشوندا خالقلاریمیز طرفیندن قورونوب ساخلانیلدی. نوروزلا دوشمنچیلیک ائدن قوه‌لرین گوجلو اولمالارینا باخمایا‌راق، اؤلکه اها‌لیسی بو اسکی میللی بایرامی یاشاتماقدا کسکین مقاومت گؤستردیلر. میللی و تاریخ کیملیگیمیزین سیموولو اولان بو نوروز بایرامی‌نین یاشاماسی همین مبارزه‌لرین نتیجه‌سی‌دیر.
بو گون نوروز اومید و یئنی‌لیگین کؤهنه‌لییه غلبه‌سی ساییلا‌راق، یئنی بیر یاشاییشین باشلانغیجیندان خبر وئریر. بیر وطنداش کیمی هامیمیز بو اسکی میللی-مدنی بایرامی دؤورون قارا و شیطان صفت قوه‌لریندن قورویوب ساخلامالیییق.
گله‌جک شنگون‌لر آرزوسو ایله، نوروز بایرامینیز مبا‌رک اولسون!
آذربایجان دئموکرات فیرقه‌سی مرکزی کمیته‌سی
نوروز ١٣٩۷